އެމްއީއެސް އިން ތައުލީމް ހާސިލްކުރެއްވި މުހައްމަދު މުމްތާޒަކީ ކުރިންސުރެ އަމިއްލަ މަސައްތުން އާމްދަނީ ހޯއްދަވައިގެން އުޅުއްވާ ބޭފުޅެކެވެ. އެކި ވިޔަފާރިތައް ކުރައްވައި، އާ ވިޔަފާރިތަކަށް އިންވެސްޓްކުރައްވަން ޝައުގު ހުންނަ ބޭފުޅެކެވެ. އޯސީސީ އިންވެސްޓްމަންޓުގެ މެނޭޖިން ޑިރެކްޓަރަށް ވުމުގެ އިތުރުން ސީ ކްރޮސް މޯލްޑިވްސްގެ ޗެއާމަނަކ ވެސް މުމްތާޒެވެ.
ޕްރޮފައިލް
ރާއްޖެއަށް ސިޔާސީ އިސްލާހު އަންނަން ފެށި ދުވަސްވަރު ވެސް ސިޔާސީ ކަންކަމަށް އޭނާ ލޯބިކުރެއްވި އެވެ. އެހެންވެ ފަރުދާގެ ފަހަތުގައި ހުންނަވައިގެން ގެންދެވީ އެހީތެރިކަން ދެއްވަމުންނެވެ. ރާއްޖެ އަށް 2005 ގައި ސިޔާސީ ޕާޓީ ނިޒާމް ތައާރަފްވީ ހިސާބުން އޭނާ ވެވަޑައިގަތީ އެމްޑީޕީގެ ސަޕޯޓަރަކަށެވެ.
އިޖުތިމާއީ ދާއިރާ އިން ޚިދުމަތްކުރެއްވުމުގައި މުމްތާޒަކީ ފުވައްމުލަކު ރައްޔިތުންނަށް އާ ބޭފުޅެއް ނޫނެވެ. ރަށުގެ އެކި ކަންކަމުގައި ހަރަކާތްތެރިވާން އުފެއްދި އޯޕަން ހޭންޑް ޖަމިއްޔާގެ ބާނީއަކީ ވެސް އޭނާ އެވެ. ފުވައްމުލަކު ރައްޔިތުންނަށް އޭނާގެ ވަރަށް ބޮޑު އެހީތެރިކަމެއް އަބަދުވެސް ލިބެ އެވެ.
މުމްތާޒް ގަބޫލްކުރައްވާ ގޮތުގައި ކޮންމެ އިންތިޚާބެއް ވެސް މުހިންމު ވަނީ ރައްޔިތުންގެ ބައިވެރިވުން އޮތް މިންވަރަކަށެވެ. އެހެންވެ އޭނާގެ މެސެޖަކީ "އެޖެންޑާ19" އަށް ވޯޓު ދޭށޭ އެވެ.
