ފާތުމަތު ޒައީމާއަކީ ފޮނަދުއަށް އުފަން ބޭފުޅެކެވެ. އޭނާ ވަނީ ލ. އަތޮޅު އޮފީހާއި ފަހުން އަތޮޅު ކައުންސިލްގައި 20 އަހަރު މަސައްކަތްކުރައްވައިފަ އެވެ. އޭގެ ކުރިން ޓީޗަރެއްގެ ގޮތުން ވެސް ދުވަސްކޮޅަކު ރަށު ސްކޫލްގައި އުޅުއްވި އެވެ. ޒައީމާ ވަނީ ބިޒްނަސް މެނޭޖްމަންޓުން މާސްޓާސް ފުރިހަމަކުރައްވައިފަ އެވެ.
ޕްރޮފައިލް
ސިޔާސީ ދާއިރާގައި ޒައިމާ އަޅުއްވާ ފުރަތަމަ ފިޔަވަޅަކީ ވެސް ރައްޔިތުންގެ މަޖިލިހުގެ އިންތިޚާބެވެ. އެކަމަކު އޭނާ ގަބޫލުކުރައްވާ ގޮތުގައި ސިޔާސީ ދާއިރާއިން ވެސް ދާއިރާ އަށާއި ގައުމަށް ހިދުމަތްކޮށްދެއްވޭނެ އެވެ.
ޒައީމާއަކީ އިޖުތިމާއީ ގިނަ މަސައްކަތުގައި ނަމޫނާ ދައްކަވާފައިވާ ބޭފުޅެކެވެ. އެކަމުގެ އަގުވަޒަންކޮށް ޔޫތު މިނިސްޓްރީން ވަނީ 2008 ގައި ޒުވާނުންގެ ގައުމީ އިނާމު ވެސް އޭނާއަށް ދީފަ އެވެ. އޭގެ އިތުރުން ޖެންޑާ މިނިސްޓްރީގެ "ރެހެންދި އެވޯޑު" 2016 ގައި ހާސިލްކުރެއްވި އެވެ. ހިލޭ ސާބަހަށް މަސައްކަތް ކުރުމުގެ ރޮނގުން 2017 ގައި ގައުމީ އިނާމު ލިބިވަޑައިގަތުމަކީ، އިޖުތިމާއީ ދާއިރާގައި ޒައީމާގެ މަސައްކަތް ބޮޑުކަން އަންގައިދޭ ސަބަބެކެވެ. ލާމު އަތޮޅުގައި ކުނި މެނޭޖުކުރަމުން އަންނަ ފާމާސް ޑިވެލޮޕްމަންޓް ކޯޕަރޭޓިވް ސޮސައިޓީގެ ޗެއާމަންކަން ކުރައްވަމުން އަންނަ ޒައީމާ ވަނީ އެ ރަށުގެ އަންހެނުންގެ ތަރައްގީއަށް މަސައްކަތްކުރާ ކޮމެޓީގެ ރައީސްކަން ޖެހިޖެހިގެން ހަ އަހަރު ކުރައްވައިފަ އެވެ. މިހާރު ވެސް އޭނާއަކީ އެ ކޮމެޓީގެ ރައީސެވެ.
އޭނާގެ މެސެޖަކީ ފޮނަދޫ ދާއިރާ އަށް އިންތިޚާބުކޮށްފި ނަމަ އިހުލާސްތެރިކަމާ އެކު ރައްޔިތުންނަށް ހިދުމަތް ދިނުމުގެ ދެމިހުންނަވާނެކަމުގެ ޔަގީންކަމެވެ.
