އިންފޮމޭޝަން ޓެކްނޮލޮޖީގެ ދާއިރާގެ ތަޖުރިބާކާރެއް ކަމަށްވާ އަހުމަދު ހައިތަމް އަކީ ފެށުނީއްސުރެ އަމިއްލަ މަސައްކަތުން ދިރިއުޅުން ބިނާކުރެއްވި ޒުވާނެކެވެ. ސިޔާސީ ދާއިރާގައި އަމަލީ ގޮތުން މާ ބޮޑަށް ހަރަކާތްތެރި ނުވި ނަމަވެސް އަބަދުވެސް، އިސްލާހީ މަސައްކަތުގައި އޭނާގެ ބައިވެރިވުން އޮވެ އެވެ. އޭނާ ވިދާޅުވާ ގޮތުގައި ފެށުނީއްސުރެ، ކަންކަން ރަނގަޅުކުރަން އޭނާ ބާރުއަޅުއްވަ އެވެ. ނޫސްވެރިކަމުގެ މިނިވަންކަމަށް ވަރަށް ބޮޑަށް ވަކާލާތުކުރި ނޫހެއް ކަމަށްވާ 'މިނިވަން" ގައި ފޮޓޯޖާނަލިސްޓަކަށް އުޅުއްވި އެވެ.
ޕްރޮފައިލް
ހައިތަމްގެ ސިޔާސީ މަސައްކަތައް ފެށިފައިވަނީ ތާރީހީ ދުވަސްވަރެއްގައި ތާރީހީ މަސައްކަތެއްގެ ތެރެއިންނެވެ. އެއީ ރާއްޖެ އަށް އިސްލާހީ ބަދަލުތަކެއް ގެންނެވި ލީޑަރުގެ ގޮތުގައި ގިނަ ބަޔަކު ދެކޭ ރައީސް މުހައްމަދު ނަޝީދު 1999 ގައި ރައްޔިތުންގެ މަޖިލީހަށް ހޮވިވަޑައިގަންނަވަން މަސައްކަތްޕުޅު ފެއްޓެވި ހިސާބުންނެވެ. އެގޮތުން މިދިޔަ 20 އަހަރު އޭނާ ވަނީ ރައީސް ނަޝީދުގެ ސިޔާސީ މަސައްކަތްތައް ޕްރޮމޯޓްކުރުމަށް ސީދާ ގޮތުން މަސައްކަތްކުރައްވައިފަ އެވެ. އެކަމަކު މިއީ އޭނާގެ ފުރަތަމަ އިންތިހާބެވެ.
ދުޅަހެޔޮ ސިއްހަތު ޕްރޮމޯޓްކުރުމަކީ ހައިތަމްގެ ވަރަށް ބޮޑު ޝައުގެކެވެ. އެގޮތުން އެ ދާއިރާގައި އޭނާ ވަނީ މަސައްކަތްތަކެއްކުރައްވައިފަ އެވެ. އެކަން ފުޅާކުރުމަށްޓަކައި އޭނާ މިހާރު އަންނަނީ ޖިމެއް ވެސް ހިންގަވަމުންނެވެ.
"މި ގައުމުގެ ކުރިއެރުމަށްޓަކައި އެމްޑީޕީގެ އެޖެންޑާ 19 އަށް ވޯޓްދިނުން މެސެޖަކީ،" ހައިތަމް ވިދާޅުވި އެވެ.
"ގައުމުގެ މުސްތަގުބަލް އުޖާލާކުރެވޭނީ އޭރުން."
