ރ. އަލިފުއްޓަށް އުފަން އަލީ ހަމީދަކީ މޮޅަށް ފުޓްބޯޅަ ކުޅުއްވި ބޭފުޅެކެވެ. ރަށު ސްކޫލުން ކިޔެވުމަށް ފަހު އުމުރުން 12 އަހަރުގައި އޭނާ ބައްޕައާ އެކު ފެއްޓެވީ ޕެރަޑައިސް ރިސޯޓުގައި ކިއްސަރު ވަޑާމުގެ މަސައްކަތެވެ. އެކަމުގައި ދެ އަހަރު އުޅުއްވުމަށް ފަހު އަމީރު އަހުމަދު ސްކޫލަށް ވަންނަވައި އަލުން ކިޔަވަން ފެއްޓެވި އެވެ. ބިޒްނަސް މެނޭޖްމަންޓުން މާސްޓާސްއާ ހަމައަށް މަތީ ތައުލީމް ހާސިލްކުރައްވާފައިވާ އަލީ ވަނީ ވިލާ ކުންފުނީގައި އިސްމަގާމުތަކެއް ވެސް އަދާކުރައްވާފަ އެވެ.
ޕްރޮފައިލް
ޖުމްހޫރީ ޕާޓީގެ ލީޑަރު ގާސިމް އިބްރާހިމާ ކުރިންސުރެ ގާތް ގުޅުމެއް އޮންނަ އަލީ ވަނީ އެ ޕާޓީގެ އިސް މަގާމުތަކެއްގައި މަސައްކަތް ކުރައްވައިފަ އެވެ. އަދި ފޮރިން މިނިސްޓްރީގެ ޑެޕިއުޓީ މިނިސްޓަރުކަން ވެސް ކުރެއްވި އެވެ.
އަލީއަކީ 21 އަހަރުން ދަށުގެ ގައުމީ ފުޓްބޯޅަ ޓީމަށް ކުޅުއްވި ބޭފުޅެކެވެ. އޭގެ އިތުރުން އިޖުތިމާއީ ގޮތުން އެކި ފަަރާތްތަކަށް އެހީތެރިވެވަޑައިގަނެ އެވެ.
އިސްދޫ ދާއިރާގެ ކުރިއެރުމަށް ނުހަނު ގިނަ މަސައްކަތްތަކެއް ކޮށްދެވިދާނެ ކަމުގެ ޔަގީންކަން އޭނާއަށް އެބަ އޮތެވެ. އޭނާ ހުންނެވީ އެކަމަށް ދުރާލާ ފުރިހަމައަށް ތައްޔާރުވެގެން ކަމަށް، ދާއިރާގެ ރައްޔިތުން ގަބޫލުކުރަން އެދިވަޑައިގަނެ އެވެ.
